اولو تانري آدي ­ايله

ساوالي حكيم تيليم خان آلتينجي قورولتايي قورولدو

دئدي آراز بولانوخدور...

پنجشنبه گونو 25/04/1388 تاريخينده ساوالي حكيم تيليم­خان آنيلدي. ساوانين مرغئي كندينده گئچيريلن مراسيمده ايرانين بير چوخ تورك شهرلريندن اوجمله­دن: ساوا- قوم- همدان- تهران- كرج- قلعه حسن­خان- زنگان- بوستان آوا و ... 700 نفره ياخين قاتيلان اولموشدور. تؤرن مرغئي كندينين يوخاري قالا مچيدينده قرآن-كريمين اوخوماغي­ايله باشلاندي. آپاريجي اسدالله اميري اولماقلا شاعرلر، يازارلار و آراشديريجيلار چيخيش ائتديلر:

قورآن اوخويان: داود ذوقي

سؤزله (سازلا يوخ) چيخيش ائدن آشيقلار: آشيق گونش(علي رمضاني)، آشيق حسين علي­حسيني، آشيق تقي محيط، آشيق رضا گولزار

چيخيش ائدن شاعيرلر و يازيچيلار: دوكتور گونئيلي( حسين محمدخاني)، حاج علي سيفي( ساوالي شاعير)، عسگر عليايي(ياشيل)، صمد مرادي، حيدرآقا خادملو( ساوالي شاعير)، علي رحمتي(ساوالي شاعير)، الياس اميرحسني(ساوالي يازار-شاعير)، ابوالفضل پاليزبان( قوم­لو شاعير)، علي اسلامي(قوم­لو شاعير)، محمدرزاقي(آخارسو زنگانلي)، م.چنلي، همدانلي مقصودي(آشيق رضا باهارلي­نين شعري). مراسيمين سونوندا حكيمين مزارينا فاتحه اوخونوب گول سونولدو.

- بيلديرمك لازيمديركي بو ايل شنبه گونو (تير آيينين ايگيرمي يئدديسي) حضرت امام موسي كاظمين شهادت گونو اولدوغو ايچين مراسم جمعه يئرينه پنجشنبه قورولدو.

- آشيقلارين يوغون بير بیچیمده قاتيليملاري (آشيقلار: گونش، تقي محيط، حسين علي­حسيني، رضا گولزار، علي ولدخاني، نادر رنجبر، رمضان باقي و ...) گوزل بير تؤره­نين يئلين اسديريردي كي تأسف­له آشيقلار مراسيمي لغو اولوندرولدو.

- هر ایل کیمی کیتاب سرگی سی ده مچیدین ائشیگینده قورولموشدور.

- قاتیلانلار طرفیندن حکیم تیلیم خانین عزیز مقبره سینه اوستاد اوزانیمیز، آشیق گونش گول چلنگی تقدیم ائتدی.

- آلديغيميز خبرلره گؤره بعضي مراسيم تاريخيني بيلمه­ينلر هر ايل اولدوغو كيمي جمعه گونو تيليمين مزارين زيارت ائتميشلر.

- ايلگيلي باغلانتي­: www.alqish.blogfa.com 

- هر ايل تير آيينين سون پنجشنبه-جمعه گونو ساوانين مرغئي كندينده حكيم تيليم خان مزارينا فاتحه اوخوناجاق.

 

 گؤرونتولری وبلاگا گؤندرنلر: سایین مرتضی شاکری، محمد حیدری، الیاس امیرحسنی

حکیم تیلیم خان وبلاگی بوتون چاتمامازلیقلارا باخمایاراق تؤره نه قاتیلان آزربایجانلیلاردان تشکر ائدیر.