الا يا ايهاالساقي گتير پيمانه گول چاغي

گولنده گول گولوستانداخمار قويما بو عشّاقي

 

صاباح كام السا گوللردن قارانقو گئتسه ديللردن

ياپيشاق يارپاق اللردن گزك بوستان­ايلن باغي

 

چيچك­لر چؤلده آچولدو غمين بنيادي آوولدو

صبا سونبوللره گولدو بزتميش لاله يئيلاقي

 

صبا گلميشدي باغلاردان خبر وئردي عاشقلاردان

دئدي كام آلماغا ياردان چتين باغلاللا بئلماغي

 

گوله بنزر ياناقلارين گؤز اوسته قوي آياقلارين

سنين غونچا دوداقلارين بازاردان سالدي قئيماغي

 

گولوستاني خزان آلسا يورك مثل-بولود دولسا

اگر غم داغ كيمي اولسا آشاق جئيران كيمي داغي

 

بولاغ باشين آليب يارپوز يورك تاب ائيلمز يارسوز

او اينچه بئلدي يا گيرسوز يوره­گيم يانديريب داغي؟