ساوالی حکیم تیلیم خان

اولو تانري آدي­ايله

قوم-ساوا-همدان محيطي تورك كولتورو آچيسيندان اولدوقجا زنگين­دير. بو محيط­­ده و آزربايجان و ايران توركلري بوتونلوگونده، حكيم تيليم­خان باشدا اولماق­لا چوخلو شاعيرلر ياشاييب و ياشاماقداديرلار. بو گونه قدر حكيم ­تيليم­خان وبلاگيندا بو محيطين بعضي شاعيرلرينين شعرلري ياييملانميش­دير. او شاعيرلردن بو آدلارا اشاره ائتمك اولار:

1-     حكيم تيليم­خان

2-     توركمان محمود

3-     آشيق رضعلي

4-     بئيرامعلي معصومي

5-     حاج علي سيفي

6-     براتعلي فتح­اللهي

7-     بختيار فرخ

8-     پرويز محمدي

9-     آشيق گونش(علي رمضاني)

10- ابوالفضل پاليزبان و س

بوندان سونرا الله ايسدرسه بو وبلاگدا بو محيطين باشقا شاعيرلرينين شعرلريندن اؤرنك­لر سونولاجاق. ايندي ساوانين نوواران بؤلگه­سينين مرغئي كنديندن اولان ايكي گنج شاعيرين اؤزت بيوگرافيلريني و شعرلريندن اؤرنك­لر تقديم ائديريك:

محمد براتي

اسدالله اوغلو

30/6/1362 تاريخينده ساوانين مرغئي كندينه تابع اولان آسگين اوباسيندا دونیايا گؤز آچدي

شعرلريندن اؤرنكلر:

بولبول هاواسينا گلديم نئيزارا

عاشيقلارين سئوداسيني نئي­ده تاپديم

بوتون يئري گؤگو گزيب دولانديم

آخير ياريمي مرغئي­ده تاپديم.

عيسي كريمي

علي اوغلو

23/8/1368 تاريخينده ساوانين مرغئي كندينده دونيايا گؤز آچدي.

شعرلريندن اؤنك لر:

1

گونلريم اوخشايير شاما

من آغلارام سن اوخشاما

گله­جگيني اونوتما

گون يئتر مي او آخشاما....؟

2

نئجه غم يوكله­نيبدير فلكه

هر ياشا چاتاندا

يوكونو

يونگوللشديرير....

3

صاباحدان بير خبر چاتدي

خبر چاتديقجا دوغراتدي

وفا سايه­سي آليشدي

ايبليس هاميني اويناتدي

4

اؤلكه­ميزين داغلاري

خزان گؤرمه­سين باغلاري

كشگم سارالماسين يارپاقلاري

هر گون و شام بايراملاري

ديللنسين آشيقلارين سازلاري:

هوي ناري[1]

هوي ناري

.....