تانری آدی ایله 

قوم-ساوا محيطينده چاغداش بیر شاعير: ميرزا ابوالفضل پاليزبان (سليم­خان)

دوغوم تاريخي: 1346 گونش ايلي

دوغوم يئري: قوم-ساوا آراسيندا اولان "احمدآباد شاهجرد" كندي

منسوب اولدوغو ائل-اوبا: شاهسئون ائلي، يارجانلي طايفاسي، وليلي تيره­سي

ابوالفضل پالیزبان آدی ایلک دونه "یادنامه حکیم تیلیم خان" آدلی بیر کتابدا قوم-ساوا محیطینین شاعرلری ایچینده ثبت اولونوبدور(یادنامه حکیم تیلیم خان-1387-انتشارات نوید اسلام قم-حاضیرلایان: اسدالله امیری-ص۲۲۰).

پالیزبان دان اورنک ایچین 2 شعر تقدیم ائدیریک. بیلدیرمک لازیمدیرکی بو شعرلر حکیم تیلیم خانین بئشینجی قورولتاییندا ساوانین مرغئی کندینده اوخونوبدو.( شعرلرده شاهسئون لهجه سیندن ایزلر وار).

*****

باشينا دوندوگوم اي توركمن عاشيق

من بيله­يي يادا ساليب گلِرم

كردر و ميمه و مرغئي يولون

قيرميزين­دن خبر آليب گلرم

 

سيزه تعريف ائيله­ييم من آقالار

بيزي چكيب بورا بير دوست وفادار

گويلوم قوشو يئوده توتمادي قرار

جمكران­دان هاوالانيب گلرم

 

اردتيم هئچ وقت ائتمرم حاشا

بو حضرت-تيليم كيمين يولداشا

سئوداسيندان اوزوم سالديم داغ داشا

درويش­لر تك من دولانيب گلرم

 

شوكر ائيلرم او گويده­كي تاريني

زيارت ائيله­ديم دوست مزاريني

گوزل گوردوم تيليم­خان آثاريني

يار عشقيندن آلوولانيب گلرم

 

باهار اولدو گول و بولبول اوياندي

قار اريدي درين چايلار سولاندي

تيليم گئتدي چار اقليمي دولاندي

اوز باشيما من فيرلانيب گلرم

 

سليم­خانام دوروب گليمم قومدان

بيزدن سنه سلام اولسون تيليم­خان

ائليميز شاهسئون طايفاميز يارجان

هم يير دئييب هم چاپ چاليب گلرم

*****

 

قوم­دان كي ايسته­ديم چيخام

ياراداني ياد ائيله­ديم

هم محمد هم عليّ-

مرتضي­ني ياد ائيله­ديم

 

چيخديم يوخاري ساوادان

فرحلنديم بو هاوادان

آخرت يئويي آوادان

تيليم­خاني ياد ائيله­ديم

 

ائيله­ديم قصد-قربتين

حاشا ائتمم محبّتين

زيارت ائتديم تربتين

بو آستاني ياد ائيله­ديم

 

تيليمه وار ارادتيم

عشقينه يير يازديم گَتديم

شاه­سئوندي آتام، جديم

ائل طايفاني ياد ائيله­ديم

 

هامي بيلسينلر سليمم

اوزاق يوللاردان گليمم

تيليم دئدي من طبيبم

هيندوستاني ياد ائيله­ديم

*****